O‘zbekiston prezidentining tegishli farmoni bilan mamlakat Harbiy prokurori o‘zgardi. Bu haqda Sherzod Asadov ma’lum qildi.
Farmonga ko‘ra, Qahramon Isroilov O‘zbekiston bosh prokurorining o‘rinbosari — harbiy prokurori lavozimiga tayinlandi. U ushbu tayinlovga qadar harbiy prokuror o‘rinbosari sifatida faoliyat yuritib kelayotgandi.
Shuningdek, prezidentning boshqa bir farmoni bilan Otabek Xolboyev O‘zbekiston bosh prokurorining o‘rinbosari — harbiy prokurori lavozimidan ozod etildi.
Ma’lumot uchun, Otabek Xolboyev ushbu lavozimga 2025-yil may oyida tayinlangan bo‘lib, harbiy prokuror sifatida qariyb bir yil faoliyat yuritdi.
Hozircha uning lavozimdan olinishi sabablari hamda keyingi faoliyati haqida rasmiy ma’lumot berilmagan.