O‘zbekistonda dam olish kunlari yoz uchun nisbatan qulay harorat fonida asosan bulutsiz ob-havo bo‘lishi kutilmoqda, deb xabar berdi “O‘zgidromet”.
Prognozlarga ko‘ra, 28—29-iyun kunlari harorat 32-37 daraja atrofida bo‘ladi. Faqat respublikaning eng chekka janubida havo ba’zi joylarda 39-41 darajagacha isiydi.
Shanba kuni O‘zbekiston bo‘yicha ba’zi joylarda shamol tezligi 13-18 metr/sekundgacha, shimolda va cho‘l hududlarda ba’zida 20-22 metr/sekundgacha kuchayadi. Yakshanba kuni esa faqat Toshkent viloyatining tog‘li hududlarida va Farg‘ona vodiysida shamol kuchayishi kutilmoqda. Respublikaning ayrim joylarida shamolning kuchayishi chang-to‘zon bilan qayd etiladi.
Toshkentda havo bulutsiz bo‘ladi. Harorat asosan kechalari 21-23 daraja, kunduz kunlari 34-37 daraja bo‘ladi.