Bosh prokuratura matbuot xizmati joriy yilning o‘tgan davrida Farg‘ona viloyatida banklar foydasiga undiruv bilan bog‘liq amalga oshirilgan ishlar yuzasidan ma’lumot berdi.
Rasmiy ma’lumotga ko‘ra, 11 oy davomida 2 trillion 75 million so‘mlik 73 884 ta ijro hujjati bo‘yicha ishlar ko‘rib chiqilgan. Shundan 1 trillion 273 milliard so‘mlik 50 911 ta hujjat ijrosi ta’minlangan.
Shuningdek, 521,8 milliard so‘mlik 1 213 ta garov mulki auksion savdolariga chiqarilgan. Sotilgan 328 ta mulk hisobidan 54,8 milliard so‘m banklar foydasiga o‘tkazilgan.